प्रदेश तर्फ राजपाको नयाँ समानुपातिक सूची यस्तो छ, को इन र आउट भए ?

काठमाडौं, २८ पुस । समानुपातिक सूचि पठाउँदा त्रुटि भएको भन्दै निर्वाचन आयोगले सच्याउन पत्र पठाएको लामो समय पछि विवाद मिलाएको छ।

क्रमसँख्या र समावेशी समूह अनुसार सूची नभएको भन्दै निर्वाचन आयोगले संशोधन गरेर पठाउन पत्र पठाए अनुसार राजपा सूची मिलाए पछि विवाद सकिएको हो।

आयोगले दोस्रो पत्र पठाएर सूचि मिलाएर नपठाए खाली पठाउने चेतावनी दिएपछि राजपा अन्तिम समयमा तीन दिनसम्म बैठक बसेर त्यसलाई मिलाएका हुन्।

राजपाले यसअघि पठाएको १० जनाको नाममध्ये चार जनाको नाम हटाएर क्रमसँख्याको आधारमा अरु चारजनाको नाम समावेश गरेको पार्टी जनाएको छ।

यस अघि आयोगमा पठाएका १० जनाको सूचीबाट रामप्रवेश वैठा, लैला खातुन, पुनम यादव र विभा झाको नाम हटाएर नेत्र विक्रम साह, निराकुमारी साह, अल्का झा र डा.रिना यादवको नाम समावेश गरेको राजपा नेपालका अध्यक्ष मण्डलका सदस्य महेन्द्र राय यादवले जानकारी गराए।