Logo

कतार बाट नेपालीलाई दुःखद खबरः ‘गोली हानी’ मृत्युदण्ड दिन आदेश



काठमाडौं, २१ जेठ । कतारको अदालतले हत्या आरोपमा एक नेपालीलाई मृत्युदण्डको सजाय सुनाएको छ । आदलतले महोत्तरीका अनिल चौधरीलाई गोली हानी मृत्युदण्ड दिन आदेश दिएको हो ।

कतारी नागरिक उमैर मोहोम्मद उमैर अल रमाजानी अल–नुयमीको हत्या अभियोगमा अनिल चौधरीलाई मृत्युदण्डको फैसला सुनाएको छ । तल्लो अदालतका न्यायाधीस मुस्तफा अल वेदाहिवीको अध्यक्षतामा बसेको इजलासले सो फैसला सुनाएको हो ।

तल्लो अदालतले गरेको फैसला उपर नेपाली दूतावासले चौधरीको जीवनरक्षाको लागि सर्वोच्च अदालतमा पुनरावेदन गरेको छ।

औराही–१, मोहत्तरीका चौधरी कतारी नागरिक अल नुएमीको हत्या अभियोगमा सन् २०१७ अप्रिलको पहिलो हप्ता पक्राउ परेका थिए। अदालतले ‘गोली हानेर’ मृत्यदण्ड दिने फैसला सुनाएको हो। हालसम्म हत्या अभियोग लागेका नेपालीहरु मध्ये चौधरीविरुद्व आएको आदेश सबैभन्दा कडा हो।

प्रतिक्रिया दिनुहोस्