Logo

फिफा वरियतामा नेपालको एक स्थान सुधार, नेपाल १ सय ६० औं स्थानमा



काठमाडौं । विश्व फुटबलको सर्वोच्च निकाय फिफाको वरीयतामा नेपालले एक स्थान सुधार गरेको छ ।फिफाले आज निकालेको नयाँ वरीयतामा नेपाल १ सय ६० औं स्थानमा रहन सफल भएको छ । गत महिना नेपाल १ सय ६१ औं स्थानमा रहेको थियो ।बंगलादेशमा सम्पन साफ च्याम्पियनसिपको राम्रो प्रदर्शन गरेपछि नेपालले वरीयतामा सुधार गरेको हो । साफमा नेपाल सेमिफाइनलसम्म पुगेको थियो ।फिफाले निकालेको नयाँ वरीयतामा नेपाल दक्षिण एसियाली राष्ट्रमा भने तेस्रो स्थानमा रहेको छ । नेपालभन्दा अघि भारत र माल्दिभ्स रहेको छ । एक स्थान तल झरेको भारत ९७ औं स्थानमा रहेको छ । यस्तै एक स्थान नै झरेको माल्दिभ्स १५१ औं स्थानमा रहेको छ ।नयाँ वरीयताको शीर्ष स्थानमा बेल्जियम र फ्रान्स संयुक्त रुपमा रहेको छ । बेल्जियम यसअघि दोस्रो स्थानमा रहेको थियो । बेल्जियम र फ्रान्सपछि तेस्रोमा ब्राजिल, चौथोमा क्रोएसिया र पाँचौ स्थानमा उरुग्वे रहेको छ ।यस्तै इंग्ल्यान्ड छैटौं, पोर्चुगल सातौं, स्विजरल्याण्ड आठौं, स्पेन नवौ र डेनमार्क दशौं स्थानमा छ । अर्जे्न्टिना ११ औं स्थानमा यथावत रहेको छ ।

प्रतिक्रिया दिनुहोस्