गायिका भोस्ले र राष्ट्रपति भण्डारीबीच भेटघाट, सोचेभन्दा धेरै सम्मान पाएको भनाइँ

काठमाडौं, १२ पुस । भारतीय चर्चित गायिका आशा भोस्लेले शुक्रवार राष्ट्रपति विद्यादेवी भण्डारीसँग भेटघाट गर्नुभएको छ । भोस्लेले  राष्ट्रपति निवास शीतल निवासमा पुगी राष्ट्रपतिसँग  भेटघाट गर्नुभएको हो । आज शनिबार हुने एक साङ्गीतिक कार्यक्रममा भाग लिन उहाँ बुधबार नेपाल आउनुभएको हो । साधना कला केन्द्रको आयोजनामा हुन लागिरहेको बृहत् सांस्कृतिक कार्यक्रममा आफ्नो प्रस्तुति दिन भोस्ले नेपाल आउनुभएको हो ।

राष्ट्रपति भण्डारीले भोस्लेले नेपाली गीतसङ्गीतको क्षेत्रमा पु¥याएको योगदानको प्रशंसा गरेको भेटघाटमा संलग्न केन्द्रका संस्थापक निर्देशक मिलन मोक्तानले जानकारी दिनुभयो । “उहाँका गीतबाट राष्ट्रपति भण्डारी निकै प्रभात हुनुहुँदो रहेछ”, मोक्तानले भन्नुभयो, “भोस्लेसँग भेट गर्न पाउँदा राष्ट्रपति धेरै खुशी हुनुभयो ।” भेटमा देशको समसामयिक घटनाक्रमका विषयमा छलफल भएको उहाँले जानकारी दिनुभयो । भोस्लेले नेपालमा आफूले सोचेभन्दा धेरै सम्मान पाएको विषय राष्ट्रपतिलाई अवगत गराउनुभयो”, मोक्तानले भन्नुभयो, “विमानस्थलमा नेपाली संस्कृतिले गरेको स्वागत स्मरणयोग्य रहेको उल्लेख गर्नुभयो ।”

/fi6«klt e08f/L;Fu uflosf cfzfef]:n]
sf7df8f}F, !! k’; M
/fi6«klt ejg zLtnlgjf;df z’qmaf/ /fi6«klt ljBfb]jL e08f/L;Fu e]6kl5 ef/tLo uflosf cfzfef]:n] . tl:a/, ;f}hGo M ;fwgfsnf s]Gb| ÷/f;;

शनिबार हुने कार्यक्रममा गायिका भोस्लेले यो हो मेरो प्राणभन्दा प्यारो माइतीघर, म प्यार बेचिदिन्छु, गैरीखेतको शिरै हान्यो, मोहनी लाग्ला है लगायतका आफूले स्वर दिएका थुप्रै नेपाली गीत गाउनु हुनेछ । उहाँलाई नेपालका ३५ जना कलाकारले पनि साथ दिनेछन् । केन्द्रको निमन्त्रणामा अनुराधा पौडवाल, सञ्जीवनी, दीपानारायण झा, साधना सरगम, इन्द्रजीत मिजारलगायत कलाकार पनि नेपाल आउनुभएको छ । आज हुन लागिरहेको कार्यक्रमले नेपालको साङ्गीतिक क्षेत्रमा दीर्घकालीन महत्व राख्ने मोक्तानले बताउनुभयो ।

WRITE COMMENTS FOR THIS ARTICLE