उखु किसानको ‘क्रन्दन’ कसले सुन्ने? (भिडियो सहित)

काठमाडौं । गुलियो उखु रोपेका सलार्हीका किसानको मन तीन वर्ष देखि अमिल्लिएको छ । नगदेवाली भनेर उखु रोपका २० हजार किसानले वर्षसदिन बितिसक्दा पनि पैसा पाउन सकेका छैनन । खेतवारीको काम छोडेर काठमाडौमा आएका उनिहरुले सरकारसंग हारगुहार गरेका छन । आफ्नो पीडा सुनाउन दुई हप्ता अघि काठमाडांै आएका उनीहरुको समस्या सुन्ने फुर्सद भने सरकालाई अहिलेसम्म मिलेको छैन ।

माइतीघर देखि सिंहदरबार १ किलोमिटरको दुरीमा हिडेर १५ मिनेटमै पुगिन्छ । सिंहदरवारबाट १५ मिनेटको दुरीमा सर्लाहीका पीडित उखु किसानहरु धर्ना दिइरहेका छन । २५/३० जनाको समुह बनाएर सर्लाहीबाट काठमाडौ आएको २ हप्ता बित्दा समेत किसानहरुको समस्याको सुनुवाई सिहदरवारले गर्न सकेको छैन । सर्लाहीको अन्नपूर्ण र महालक्ष्मी सुगर मिलले तीन वर्ष अघि देखि किसानको उखुको करोडौ मुल्य नदिएपछि उखु किसानहरु आन्दोलित भएका छन् ।

खेतबारीमा काम गरेर बस्ने किसानहरु पहिलो पटक काठमाडौमा आएका छन । उनीहरु मध्ये धेरैका दाह्री फुलेका छन, हात खुट्टा समेत फुटेका छन । काठमाडौको जाडोले उनीहरु कठ्ग्रीएर भएपनि सरकारले आफनो माग सुन्छ की भनेर धर्ना दिइरहेका छन ।

काठमाडौको जाडोमा पातलो धोती र चप्पल लगाएर अन्तिम पटक अन्नपूर्ण र महालक्ष्मी सुगर मिलले आफुहरुलाई दिएको पीडा बिरुद्ध उत्रिएको बताउछन् किसानहरु ।

अन्नपूणका राजेश अग्रवाल र महालक्ष्मी सुगर मिलका बिरेन्द्र कोनोडियाले पैसामाग्दा उल्टै थर्काउने गरेको उनीहरुको गुसानो छ । नगदेबाली भनेर उखु खेति गरेका उनीहरु उखु कै कारण ऋणमा डुवेका छन ।

अन्नपुर्णले ५० करोड र महालक्ष्मीले २१ करोड गरी कूल ७१ करोड रूपैया उखु खेती गर्ने किसानको रकम मिलका सञ्चालकले नदिएपछि किसानको विचल्ली भएको छ । आफनो रोजीरोटीको बाटो नै बन्द हुन लागेको भन्दै सर्लाहीका किसानहरु चिन्तित बनेका छन् ।

 

WRITE COMMENTS FOR THIS ARTICLE