से’क्स गर्नु कडा खालको व्यायाम जत्तिकै फाइदाजनक

यौन क्रियाकलाप सन्तुष्टिका लागि मात्र नभइ स्वास्थ्यका लागि समेत निकै फाइदाजनक रहेको एक अध्ययनले देखाएको छ । अध्ययनका अनुसार व्यायाम गर्दा शरीरलाई पुग्नजति नै फाइदा यौनसम्पर्कबाट पनि हुन जान्छ ।

सम्भोगका बेला एक सामान्य पुरुषले एक मिनेटमा ४.२ क्यालोरी तथा महिलाले ३.१ क्यालोरी उर्जा या शक्ती खपत गर्दछन् । लाइभ साइन्स मा छापिएको रिपोर्ट अनुसार यौन कार्य गर्दा मुटुको चाल, गति र उर्जाको खपत व्यायाम गरेबराबर नै हुने गरेको हो ।

अनुसन्धानकर्ता विलियम मास्टर तथा भर्जिनिया जोनसनले २१ जोडीमा यस्तो अध्ययन गरेका थिए ।

सम्भोगका बेला महिला पुरुषमा मुटुको धड्कद प्रति मिनेट १ सय ८० सम्म पुग्ने गरेको छ । जबकी सामान्य खालको व्यायामका बेला मुटेको धड्कन ८५ देखि ११९ प्रतिमिनेट सम्म मात्र पुग्ने गर्छ ।

सेक्सका बेला हुने उर्जा खपत नाप्नका लागि शोधकर्ताहरुले यौनजोडीको हातमा विशेष उपकरण आर्मब्याण्ड लगाइदिएका थिए । जसका आधारमा यो रिपोर्ट सार्वजनिक गरिएको थियो ।

अध्ययनमा संलग्न मानिसहरुलाई सेक्स गर्नुभन्दा पहिले एक महिनामा ४ पटक सम्म ३०-३० मिनेटको कडा व्यायाम गर्न लगाइएको थियो । त्यसपछि व्यायामका माध्यमबाट खपत हुने क्यालोरी तथा सम्भोगका बेला खपत हुने क्यालोरीबीच तुलना गरियो ।

एक जना पुरुषले एक पटकको सम्भोगमा औषतमा १०१ क्यालोरी उर्जा खपत गर्ने तथा महिलाले ६९ क्यालोरी उर्जा खपत गर्ने गरेका छन् । त्यसबाट शोधकर्ताहरुले निष्कर्ष निकाले की महिला र पुरुषले सम्भोग गर्दा कडा व्यायाम गरेजत्तिकै फाइदा उठाउँछन् ।

WRITE COMMENTS FOR THIS ARTICLE