रवि लामिछानेका समर्थकलाई खुशीको खबरः जिल्ला अदालतद्धारा तीनै जनालाई सफाई

काठमाडौँ, ५ माघ । जिल्ला अदालत चितवनले आत्महत्या दुरुत्साहन मुद्दामा रवि लामिछानेसहित तीनै जनालाई सफाइ दिएको छ ।

आइतबार न्यायाधीश हेमन्त रावलको इजलासले संचारकर्मी लामिछाने, अस्मिता भनिने रुकु कार्की र युवराज कँडेललाई सफाइ दिने फैसला सुनाएको हो ।

यसअघि जिल्ला अदालतले लामिछानेलाई विदेश जान अनुमति लिनुपर्ने, शालिकराम पुडासैनीको आत्महत्याबारे बहस गर्न नापाउनेसहितका शर्त राख्दै ५ लाख धरौटीमा रिहा गरेको थियो ।

सञ्चारकर्मी युवराज कडेँललाई ३ लाख धरौटीमा रिहा भएका थिए भने रुकु कार्की साधारण तारेखमा हिरासतमुक्त भएका थिए ।

लामिछानेसहित ३ जना विरुद्ध भदौ ८ गते आत्महत्या दुरुत्साहन मुद्दा दायर भएको थियो ।

पत्रकार पुडासैनीको गत साउन २० मा चितवनको नारायणगढ बसपार्कस्थित होटल कंगारुमा शव भेटिएको थियो ।

मृतक पुडासैनीले भिडियोमा लामिछाने लगायतका कारण आफू उक्त निर्णयमा पुगेको आरोप लगाएका थिए । त्यसैको आधारमा प्रहरीले उनीहरुमाथि अनुसन्धान गरेको थियो ।