भारतद्धरा नेपाललाई औषधी प्रदान

 

काठमाडौं  । भारत सरकारले नेपालस्थित आफ्ना भारतीय दूतावासमार्फत नेपाल सरकारलाई दुई हजार भाइल रेमडेसिभिर औषधी प्रदान गरेको छ ।
भारत सरकारको तर्फबाट भारतीय राजदूत विनय मोहन क्वात्राले परराष्ट्रमन्त्री प्रदीप ज्ञवालीलाई सो औषधी हस्तान्तर गर्नुभएको हो ।

कोरोनाको विश्वव्यापी महामारीले निम्त्याएको चुनौती सामना गर्न भारत सरकारले नेपाललाई गरिरहेको सहयोग अनुरुप सो औषधी हस्तान्तरण गरिएको भारतीय दूतावासले जनाएको छ ।

अक्सिजन थेरापीमा रहेका मध्यमदेखि गम्भीर प्रकृतिका बिरामीहरुको उपचारमा प्रयोग गरिने रेमडेसिभिर एक प्रभावकारी औषधी हो ।

चिकित्सा अध्ययनका अनुसार यो औषधीको प्रयोगले बिरामीहरुको अस्पताल बसाई अवधि र रोगबाट निको हुने समयलाई कम गर्न उल्लेखनीय रुपमा सघाउ पुर्याउँछ ।

यसअघि वैशाख १० गते प्यारासिटामोल, हाइड्रोक्लोरोक्विन लगायतका अत्यावश्यक औषधी, जेष्ठ ४ गते कोभिड–१९ टेष्ट कीट (आरटी–पीसीआर) र श्रावण २५ गते आइसीयू भेन्टिलेटर जस्ता स्वास्थ्य सामाग्री भारतले नेपाललाई सहयोग स्वरुप प्रदान गरिसकेको छ ।

WRITE COMMENTS FOR THIS ARTICLE